Rol bideojoko

Artikulu hau bideojoko generoari buruzkoa da; beste esanahietarako, ikus «RPG».

Rol bideojokoak (ingelesez: (computer) role-playing game edo (C)RPG) bideojokoen genero bat da, non jokalariak mundu zehatz batean murgilduta dagoen pertsonaia baten (edo talde bateko kide batzuen) ekintzak kontrolatzen dituen. Bideojoko horietako gehienek mahaiko rol-jokoetan dute jatorria (Dungeons & Dragons barne), eta askotan haien terminologia, agertoki eta joko-mekanika erabiltzen dituzte. Mahaiko rol-jokoekin dituzten antzekotasunak honako hauek dira: istorio eta elementu narratibo garatuak, jokalariaren pertsonaiaren hazkundea, konplexutasuna, baita birjokogarritasuna eta murgiltzea ere. Bitarteko elektronikoak joko-zuzendari baten beharra alde batera uzten du eta borroka ebazteko abiadura areagotzen du. Rol bideojokoak testuan oinarritutako bideojokoetatik 3D esperientzia aberatsetara aldatu dira.^[1]